Aabot sa 11,789
na magsasaka ang makakatanggap ng tig-tatlong
libong pisong halaga ng
suporta pang-gasolina sa
pamamagitan ng Fuel Assistance to Farmers Project (FAFP) ng Department
of Agriculture IV-CALABARZON (DA-4A).
Ang FAFP ay isa
sa mga proyekto ng DA
na isasakatuparan upang
siguruhin ang tuluy-tuloy
na produksyon ng pagkain sa kabila nang mataas
na presyo ng krudo na
kinakailangan sa pagpapatakbo ng mga makinaryang pangsakahan.
Batay sa panuntunan, ang mga benepisyaro sa naturang proyekto
ay mga magsasaka na nakarehistro sa Registry system for Basic Sectors in
Agriculture (RSBSA); nagmamay-ari o umuupa ng
gumaganang makinarya
na nakarehistro sa Agricultural and Biosystems
Engineering Management
Information System (ABEMIS); at nakatira sa mechanized or consolidated na
mga lugar.
Dagdag pa rito,
prayoridad sa programa
ang mga magsasaka na
hindi pa nakakatanggap
ng suporta sa gasolina,
umuupa ng makinarya sa
Local Government Units
(LGUs), at mga magsasakang nakatira malapit
sa mga gasolinahan.
Ang nabanggit
na halaga ng suporta ay
ipapamahagi sa pamamagitan ng DA Intervention
Monitoring Card kung
saan ito ang ipepresenta
upang makabili ng krudo
sa akreditadong fuel merchants.
Sa kasalukuyan, ang kabuuang listahan ng mga
magiging benepisyaryo
ay dumadaan pa sa balidasyon sa RSBSA at
inbentaryo ng mga makinarya ng ABEMIS.
Patuloy na isinasagawa ng DA-4A ang
koordinasyon sa Provincial at LGUs at mga institusyong katuwang sa pagpapatupad ng programa
upang agad na maipahagi
ang naturang suporta sa
mga magsasaka.
Related Stories
August 5, 2024