Hinikayat ni
Senador Alan Peter Cayetano nitong Martes ang
Department of Foreign
Affairs (DFA) na gamitin
at paunlarin ang potensyal
ng sining at kulturang Pilipino para mapaigting ang
“soft power” ng Pilipinas.
Sa kanyang interpellation sa isinagawang briefing sa Senado
patungkol sa panukalang
budget ng DFA para sa
susunod na taon, binigyang-diin ni Cayetano ang
kahalagahan ng pagkakaroon ng Pilipinas ng “impluwensya” sa mundo ng
sining, kultura, at sports.
“Kapag sinabi
mong power, it’s basically
the ability to get someone
else to act the way you
want them to act,” wika ni
Cayetano. Dagdag niya,
naipapakita ito sa iba’t
ibang paraan tulad ng
“authority, legitimacy, influence.”
“If you talk about
visual artists, paintings,
sculptures, grabe ang
potential natin,” pahayag
niya.
Ibinigay niyang
halimbawa ang maunlad at sikat na kultura at
performing arts ng South
Korea, na naging dahilan
aniya para agad maging
isang “soft power” ang
nasabing bansa
“In love na in love
ang marami sa kultura ng
Korea. Therefore, for example, if their pop stars
come here and advocate
against teenage pregnancy or better immigration
status for Koreans, [people support it],” pahayag
niya.
Ani Cayetano, na
nagsilbing DFA Secretary
noong 2017-2018, pwedeng paglaanan ng budget ng DFA ang pagbubuo
ng mga “Filipino town” sa
ibang bansa para mas
makilala pa ang sining at
kulturang Pilipino, tulad ng
ginawa ng South Korea.
Dagdag ni Cayetano, malaki ang potensyal ng simpleng pagpapamalas ng kulturang
Pilipino para mapalakas
ang impluwensya ng Pilipinas sa ibang bansa, gaya
ng paano naging kaibigan
at kaalyado ng Pilipinas
ang East Timor matapos ang matagumpay na
hosting nito ng Southeast
Asian Games noong 2019.
“We welcomed
them [warmly]. Syempre,
mahirap din na bansa
so lahat ng accommodations ginawa natin [para
sa kanila] noong SEA
Games. Hindi daw nila
makalimutan ‘yan,” aniya.
“For such small
things that we would do for
anyone – kasi hospitable
naman ang Pilipino – it’s
such a lasting impression,”
dagdag niya. PR