Patuloy ang pagsulong ng Department of
Agriculture IV-CALABARZON (DA-4A) Farm and
Fisheries Clustering and
Consolidation (F2C2) Program katuwang ang Jollibee Group Foundation
sa proyektong Agro-Entrepreneurship Clustering
Approach (AECA) sa pamamagitan ng pagsasanay
sa mga magsasaka ukol
sa pagiging entrepreneur.
Ang AECA ay
isang proseso na naglalayong maturuan ang
mga magsasaka ng mga
estratehiya sa pagnenegosyo upang sila ay
makapag-suplay sa mas
malalaking mamimili gaya
ng Jollibee Group Foundation. Hangad nitong iangat
ang estado ng pagsasaka
mula sa pagiging isang indibidwal na prodyuser tungo sa pagiging mahusay
na negosyante na mas
pinalalakas sa tulong ng
clustering at consolidation.
Kaugnay nito,
kamakailan lamang ay
isinagawa ang pagsasanay sa AECA na nilahukan ng apat na cluster sa
rehiyon. Sila ay ang High
Value Crops of Sariaya,
Masaganang Magsasaka
ng Talahiban 1.0 at 2.0,
Luntian Multi-Purpose Cooperative, at General Trias
Dairy Raisers Multipurpose Cooperative.
Nagustuhan ni G.
Melchor Namuco, pangulo
ng cluster ng Masaganang
Magsasaka ng Barangay
Talahiban Uno at Dos, ang
layunin ng AECA na nakapokus umano sa kanilang
tuluyang pagkawala sa
kamay ng mga trader at
tumindig bilang isang mas
pinatatag na cluster sa
merkado.
Ang aktibidad ay
pinangunahan nina F2C2
Focal Person Bb. Jhoanna Santiago, Agribusiness
Promotion Section Chief
G. Richmond Pablo, High
Value Crops Development
Program Coffee and Cacao Focal Person Maria
Ana Balmes, kasama ang
iba pang mga kawani
mula sa DA-4A at lokal na
pamahal
